వడ్డెర మహిళల పిలుపు మేరకు కొన్ని రోజుల క్రితం, వికారాబాద్ జిల్లాలో పర్యటించాను. అక్కడి మహిళలు కూడా, ST సాధనే సర్వ వడ్డెర సమస్యలకు పరిష్కారం అని చెప్తున్నారు. కులవృత్తి సంబంధిత వ్యసనాల వల్ల విచ్చిన్నమై వడ్డెర్ల కుటుంబ/సాంఘిక జీవన భారం మహిళలపైనే పడుతుందని వారందరూ చెప్తున్నారు. అలాగే, మన కులవృత్తిని, మిగతా BC ల కులవృత్తులతో, ఎందుకు పోల్చలేము అన్న విషయాన్ని వివరిస్తే, ఆసక్తి గా విన్నారు. అంతే కాదు, ST పోరాటంలో, మహిళలు ముఖ్య భూమిక పోషించాలని నేను ఇచ్చిన పీలుపుకు, వారంతా, సానుకూలంగా స్పందించడం, కులానికి శుభసూచకం

మీ సోదరి,

జెరిపేటి చంద్రకళ

వడ్డెర్ల ST సాధన సమితి

నేను ఈ వడ్డెర క్యాంపును జూన్ మొదటి వారం లో సందర్శించాను. పాముల మధ్య వారి ప్లాస్టిక్ బతుకుల పై నేను చేసిన వీడియో మీలో చాలామంది చూసే ఉంటారు అనుకుంటున్నాను(చూడని వారి కోసం లింక్ కింద ఇస్తున్నాను) మళ్ళి ఆగస్టు 8 న, వారు పిలిస్తే, ఇక్కడికి వెళ్లడం జరిగింది. ఇప్పుడు వారికి పట్టాలు సాంక్షన్ కావడం తో, పునాదులు నిర్మించుకుని, పక్కా ఇళ్లు కట్టుకునే పనుల్లో ఉన్నారు. స్థానిక పాలకులు మరియు రెవిన్యూ సిబ్బందికే కాదు, ఈ వీడియో ని వైరల్ చేసి, ఈ మార్పుకు కారణమైన మీ అందరికీ కూడా ధన్యవాదాలు. ఈ క్యాంపు కు పిలిచి, వీరి కష్టాలను ప్రపంచానికి చెప్పడం లో నాకు సహకరించిన మన, P ఎల్లయ్య గారికి ప్రత్యేక ధన్యవాదాలు.